Kandidati i Lëvizjes Vetëvendosje për kryetar të Gjilanit, Alban Hyseni, ka theksuar rëndësinë e rolit të grave dhe vajzave në jetën politike dhe shoqërore të qytetit.
“Gratë dhe vajzat e Gjilanit janë forca më e madhe që ka qyteti ynë,” ka shkruar Hyseni në një postim në rrjetet sociale.
Hyseni premtoi se fuqizimi i grave në politikë dhe në vendimmarrje do të jetë një ndër prioritetet kryesore pas zgjedhjeve të 12 tetorit.
“Fuqizimi i rolit të grave në vendimmarrje do të forcohet pas 12 tetorit dhe gjithëpërfshirja do të jetë prioritet. Jemi BASHKË!” ka deklaruar ai, duke shoqëruar mesazhin me hashtagun #BASHKËpërGjilanin.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
