Andi Belegu, kandidati me numrin 50 në listën e Partisë Demokratike të Kosovës për Asamblenë e Prishtinës, përfaqëson një brez të ri me vizion të qartë për kryeqytetin. Ai ka studiuar juridik dhe ekonomi, ndërsa magjistraturën e përfundoi në Universitetin Tor Vergata në Romë, në programin prestigjioz European Economy and Business Law (EEBL).
Aktualisht, Belegu shërben si Sekretar i Përgjithshëm i ndërmarrjes publike “Gjelbër”, ku ka kontribuar në përmirësimin e menaxhimit të hapësirave të gjelbra dhe shërbimeve publike.
Përveç punës institucionale, ai ka qenë aktiv në shoqërinë civile, duke punuar në hulumtimin e krimeve të luftës në Kosovë, duke promovuar barazinë gjinore dhe ka marrë pjesë në debatet rreth implementimit të marrëveshjeve të Brukselit. Ky angazhim e ka formuar si një zë të fuqishëm për transparencë, drejtësi dhe përfaqësim të drejtë.
Belegu përfaqëson gjeneratën e re të politikanëve që sjellin integritet, energji dhe ide të guximshme për ndryshimin e Prishtinës, ndërsa familja mbetet motivi i tij kryesor. Ai e sheh politikën si një përgjegjësi ndaj gjeneratave që do ta trashëgojnë qytetin.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
