Bordi i Federatës së Basketbollit të Kosovës ka vendosur që afati i fundit për licencimin e klubeve në basketboll është deri më 25 shtator.

FBK-ja njofton tutje se ky vendim e ka për qëllim përcaktimin e afatit të fundit për përmbushjen e kritereve të licencimit nga klubet anëtare të Federatës së Basketbollit të Kosovës (FBK), në kuadër të përgatitjes për sezonin e ri garues 2025/26.

“Duke u bazuar në propozimin e Sekretares së Përgjithshme, znj. Elvira Dushku, dhe pas shqyrtimit nga anëtarët e Bordit të FBK-së,

Vendim i Bordit të FBK-së i datës 18 shtator për procesin e licencimit të klubeve për sezonin 2025/26

Qëllimi

Ky vendim ka për qëllim përcaktimin e afatit të fundit për përmbushjen e kritereve të licencimit nga klubet anëtare të Federatës së Basketbollit të Kosovës (FBK), në kuadër të përgatitjes për sezonin e ri garues 2025/26.

Duke u bazuar në propozimin e Sekretares së Përgjithshme, znj. Elvira Dushku, dhe pas shqyrtimit nga anëtarët e Bordit të FBK-së,

BORDI VENDOSI:

Afati i fundit për dorëzimin e dokumentacionit

Të gjitha klubet që deri më sot nuk e kanë përmbushur dokumentacionin e kërkuar për licencim obligohen që të dorëzojnë dokumentet brenda një afati 5 ditë pune nga data e këtij vendimi (25.09.2025).

Pas këtij afati, klubet që ende nuk i kanë plotësuar kriteret nuk do të kenë mundësi të marrin licencën dhe, si rrjedhojë, nuk do të përfshihen në garat e sezonit 2025/26.

Parimet e vendimit

Ky vendim bazohet në parimet e:

Barazisë dhe korrektësisë, duke trajtuar në mënyrë të barabartë të gjitha klubet;

Transparencës, duke ofruar afat të qartë dhe të fundit për përmbushjen e kritereve;

Integritetit të garës, duke siguruar që vetëm klubet që i plotësojnë standardet minimale të marrin pjesë në kampionate.

Zbatimi

Zbatimin e këtij vendimi e bën Sekretarja e Përgjithshme e FBK-së.

Vendimi hyn në fuqi ditën e miratimit nga Bordi i FBK-së.

IN Promo Marketing

Arrin në Zone Mobile sasi e re e Iphone 17 Pro Max dhe Ipad Pro, çmime të reja nga e...

Kompleksi “MALI” në Vushtrri – Investim i sigurt dhe zgjedhja e duhur

Meridian Express feston 13 vite me shpërblime, çmime të lira dhe risi për klientët besnikë!