Trajneri i FC Barcelonës, Hansi Flick, ka kritikuar në mënyrë jo të drejtpërdrejt Real Madridin, duke e ditur se Los Blancos nuk do të marrin pjesë në ceremoninë e Topit të Artë 2025 në Paris.

Nesër, e hënë, ndryshe nga Real Madridi, një delegacion nga Barcelona do të jetë i pranishëm për të mbështetur sulmuesin e krahut Lamine Yamal në ceremoninë e Topit të Artë. Kjo, edhe pse duket se spanjolli i ri do të përfundojë pas Ousmane Dembélé. Trajneri i Blaugranëve, Hans-Dieter Flick, theksoi rëndësinë e pjesëmarrjes në një ngjarje të tillë, sipas mediave të huaja.

“Nuk e di nëse do ta shohim ndonjëherë Lamine Yamal të fitojë Topin e Artë, por besoj se po. Tani për tani, ne jemi të nominuar dhe kushdo që është i nominuar e meriton. Duhet të jesh aty dhe të tregosh respekt ndaj fituesve – është absolutisht jetike”, tha trajneri për shtypin.

Kjo deklaratë shihet gjerësisht si thumbim ndaj Real Madridit, klub ky që e ka bojkotuar ceremoninë e Topit të Artë që nga viti i kaluar pasi që Vinicius Jr nuk arriti ta fitonte atë.

Fituesi i fundit i çmimit të madh është mesfushori i Man City, Rodri. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!