Real Madridi po shijon një fillim perfekt sezoni, por situata e Vinicius Junior po bëhet temë e nxehtë në Spanjë.

Sulmuesi brazilian ende nuk ka luajtur 90 minuta të plota nën drejtimin e trajnerit Xabi Alonso, i cili mori drejtimin e ekipit në qershor pas largimit të Carlo Ancelottit.

Në 12 ndeshjet e para të sezonit, Vinicius është zëvendësuar në dhjetë prej tyre, pavarësisht formës së mirë.

Në takimin e fundit ndaj Espanyolit, ai asistoi në golin e Kylian Mbappes dhe goditi shtyllën, por sërish u nxor nga loja, duke u larguar i irrituar nga fusha.

Statistikat kanë shtuar debatet, pasi 25-vjeçari është lojtari i dytë më produktiv në sulm për Realin, por renditet vetëm i 10-ti për minuta të luajtura.

Alonso u pyet për këtë çështje në konferencën për shtyp para përballjes së nesërme me Levanten në La Liga, ku u shpreh i qetë:

“Edhe unë kur isha lojtar nuk më pëlqente të zëvendësohesha. Nuk mendoj se është problem i madh kur lojtarët shfaqin pakënaqësi. Jam i kënaqur me atë që po bën Vinicius, por është ende fillimi i sezonit dhe kemi nevojë për të gjithë”, shprehet Alonso.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!