Sulmuesi i PSG-së dhe Francës, Ousmane Dembele ka fituar Topin e Artë për vitin 2025. Çmimi më prestigjioz individual i futbollit nga tre vjet më parë nuk jepet për performancën në një vit kalendarik, por për atë që është arritur në sezonin e fundit.

Dembele bëri 60 paraqitje për PSG sezonin e kaluar, duke shënuar 37 gola dhe duke dhënë 15 asistime, duke fituar Ligën e Kampionëve, titullin e Ligue 1 dhe Kupën e Francës.

Klubi spanjoll, Real Betis njoftoi lajmin e fitimit të Topit të Artë në rrjetet sociale, duke tallur sulmuesin e Real Madridit, Vinicius Junior.

Vitin e kaluar, i zhgënjyer që Rodri e fitoi Topin e Artë, ai postoi një status ku shkruhej: “Do ta bëj dhjetë herë nëse më duhet. Ata nuk janë gati”.

Admin farei 10x se for preciso. Eles não estão preparados. https://t.co/13ExMUDYD6

— Real Betis Balompié (@RealBetis_en) September 22, 2025

Këtë vit, Vinicius ishte i 16-ti në renditjen përfundimtare për Topin e Artë. Tani, Betis, së bashku me njoftimin zyrtar të fituesit të Topit të Artë, shkroi statusin “Admin do ta bëjë 10 herë nëse më duhet. Ata nuk janë gati”.

Parafrazimi tallës i Betisit ndaj yllit të Realit zemëroi tifozët e klubit, të cilët postuan nën statusin e klubit të La Ligas, duke komentuar se ishte e papërshtatshme që profili zyrtar i një klubi të ligës së parë spanjolle të tallte një lojtar rival.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!