Historiani nga Universiteti i Zagrebit, Besim Qeriqi, ka rikujtuar një shkrim të vitit 1992 të Hashim Thaçit, të titulluar “Afrim Zhitia, ylli i pashuar i lirisë”. Sipas Qeriqit, ky tekst nuk është vetëm një dokument i kohës, por një dëshmi e përpjekjeve për liri dhe e përkushtimit politik të autorit në atë periudhë.

Thaçi, atëherë 24 vjeç dhe i angazhuar në Lëvizjen Popullore për Republikën e Kosovës (LRPK), e portretizon Afrim Zhitinë si simbol të rezistencës dhe të sakrificës. Në shkrim përmenden edhe bashkëveprimtarët e tij, Fahri Fazliu dhe Fadil Vata, të cilët, sipas Qeriqit, zënë një vend të veçantë në narrativën e rezistencës së asaj kohe, shkruan Insajderi.

Historiani thekson se Zhitia dhe Vata kishin hartuar plane për rezistencë gjatë kohës së burgut, ndërsa veprimtaria e Zhitisë dhe Fazliut u kurorëzua me përplasjen e armatosur të 2 nëntorit 1989, ku ata ranë. Sipas Qeriqit, shkrimi i Thaçit përmban edhe një dimension mobilizues politik, me synimin për të frymëzuar vazhdimin e përpjekjeve kundër regjimit serb.

“​Gjykuar nga perspektiva e sotme, emrat e tyre janë tashmë të gdhendur në kujtesën e përbashkët kombëtare; të tre janë të shpallur heroj të Kosovës. Titulli më i lartë që u jepet personaliteteve që kanë dëshmuar trimëri dhe sakrificë të jashtëzakonshme për lirinë e Kosovës.

Megjithatë, situata ishte krejt ndryshe 33 vjet më parë, kur është shkruar ky shkrim. Fare pak njerëz kishin njohuri për arsyet e burgosjes dhe veprimtarinë e tyre të fshehtë. Në këtë kontekst, publikimi i këtij shkrimi nga Thaçi, i përfshirë prej kohësh në lëvizjen ilegale, dëshmon angazhimin e tij të dyfishtë si intelektual dhe si veprimtar i çështjes kombëtare“, deklaron historiani. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!