Tashmë çmimet e produkteve bazë për një pjesë të qytetarëve janë bërë të papërballueshme, përfshirë këtu edhe çmimin e energjisë elektrike. Sikur të mos mjaftonin, çmimet kanë shënuar rritje edhe në pjesën e dytë të vitit.

Njëri nga qytetarët shpreh shqetësimin e tij se çmimi i rrymës do të jetë vështirë i mbulueshëm kur afrohet edhe sezona e dimrit. Tahir Krasniqi për Ekonomia Online tha se edhe ndryshimin e madh mes pensionit që marrin dhe harxhimet që bëjnë.

 “Të ushqimit deri diku po, ndërsa sa i përket rrymës është pak e tepërt, jo pak por mjaft shumë e tepërt se tash sezona e dimrit me këto klima që i kemi Inshallah ia dalim. Çmimet e ushqimeve tash për tash janë të papërballueshme. Ne si pensioner disi po ia dalmi por qysh po ia dalim. Siç thonë amerikanët shqiptarët e kishin pensionin 200 euro e po i harxhojnë 400 euro. Kah 200? Mos me qenë ndihma prej tjetër kah me siguri nuk kishim mujtë me ia dale”, tha ai.

Çmimet e larta në produktet bazë e kanë shqetësuar edhe qytetarin Bashkim Ademi.

 “Ushqimet kanë fillu ngritje shumë të madhe, përafërsisht po mundemi me ia dalë. Çmimi i energjisë elektrike nuk është i lartë sepse në çfarë mënyre prodhohet se unë vetë kam punu, nuk është i lartë. Vjet kam pagu 30 euro po edhe në këtë sezon njëjt”, tha Ademi.

Derisa rriten çmimet, rritje nuk ka edhe në paga. Kështu u shpreh qytetari Shaban Shabani.

 “Me zor po mundemi me përballu çmimet e ushqimit se nuk i kemi krejt, pagat e vogla, çmime shumë të shtrenjta, nuk po mundemi veç qështu po shkojmë. Çmimi i energjisë elektrike është i lartë, po diqysh po e përballojmë”, theksoi Shabani.

Çmimet e produkteve bazike në Kosovë kanë shënuar rritje me ritëm të lartë në pjesën e dytë të vitit. Ani se viti filloi me inflacion prej 1.5 për qind, çmimet shënuan rritje prej 4.5 për qind në gusht.

E çmimi i energjisë elektrike për konsumatorët në Kosovë është rritur për rreth 16 për qind në prill të këtij viti, pas vendimit të marrë nga Bordi i Zyrës së Rregullatorit për Energji (ZRRE).

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!