Kryetari i Prizrenit, Shaqir Totaj, ka ritheksuar zotimin e tij për të mbështetur nënat e reja, duke premtuar rritje të shumës së përkrahjes financiare në mandatin e ardhshëm.
“Nëna Drenusha Bytyqi nga Prizreni është njëra prej shumë nënave që kanë përfituar nga programi ynë i përkrahjes për lehonat. Kjo politikë ka qenë një nga prioritetet tona dhe do të mbetet edhe në të ardhmen” – deklaroi Kryetari Totaj.
Ai shtoi se përkrahja për nënat dhe fëmijët është investim në të ardhmen e Prizrenit: “Rritja e përkrahjes është jetike për të siguruar mundësi më të mëdha për nënat dhe fëmijët e Prizrenit. E falënderoj Drenushën dhe të gjitha nënat që besojnë në këtë projekt, sepse mbështetja e tyre është motiv për të vazhduar edhe më fuqishëm”.
Kryetari Totaj përfundoi me zotimin se kjo përkrahje do të rritet sërish: “Do ta rrisim edhe një herë shumën e përkrahjes për të gjitha nënat e reja, sepse kujdesi ndaj tyre është kujdes për të ardhmen e qytetit tonë”.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
