Gazetari Valon Syla vërejti se në kryeqytetin e Kosovës që nga fundi i luftës e deri më sot, asnjëherë s’është ndryshuar pushteti përtej dy partive LDK dhe VV.

Ai bëri thirrje që sikur në krejt Kosovën, edhe në Prishtinë të bëhet ndryshimi i pushtetit.

Syla tha se janë bërë 25 vjet prej kur Prishtina pandërprerë është qeverisur ose nga LDK-ja ose nga VV-ja, ndërsa asnjë parti tjetër s’ka arritur ta fitojë mandatin e kryetarit të komunës.

“Pyetja e thjeshtë është pse mos të ndërrohet pushteti edhe në Kryeqytet pasi kjo ishte e mundur në krejt Kosovën?”, shkroi Syla në Facebook.

Po ashtu, Syla bashkëngjiti edhe një video kreative nga trafiku i stërdendur i kryeqytetit, ku zhurma e makinave shndërrohet në një lloj muzike irrituese.

“Një video shumë domethënëse dhe kreative e shpjegon këtë me slloganin “Ndërro Muzikën” se mabaruam prej follirancive kaosit dhe kopallave. Unë pe ndërroj, shpresoj edhe ju”, tha Syla në fund.

Videon që e shpërndau Valon Syla është e bërë nga fushata e kandidatit të PDK-së për Prishtinë, Uran Ismaili, i cili garon për herë të dytë me radhë në kryeqytet.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur