Kandidati i Lidhjes Demokratike të Kosovës, Imri Ahmeti për kryetar të Lipjanit, ka zhvilluar një takim me qytetarët e Gumnasellës, ku mori mbështetje të gjerë nga banorët e kësaj ane.

Në një postim në Facebook, Ahmeti ka theksuar se përkrahja e qytetarëve është tregues i besimit në rrugën e zhvillimit që ai dhe ekipi i tij po ofrojnë.

“Mbështetje e jashtëzakonshme e qytetarëve punëtorë në Gumnasellë, të cilët dëshmuan besimin e tyre të pakursyer në rrugën e zhvillimit. Tubime si ky tregojnë qartë se qytetarët besojnë në programin tonë, i cili nuk është thjesht një listë premtimesh, por një plan i qartë që fokusohet në zhvillim, bujqësi, arsimin dhe shëndetësinë”, ka shkruar Ahmeti.

Ai shtoi se për Lipjanin nuk do të ketë vetëm fjalë, por punë konkrete, duke falënderuar qytetarët e Gumnasellës për përkrahjen.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur