Një person është arrestuar në orët e hershme të së shtunës në rrugën “Nekibe Kelmendi” në Prishtinë, pasi gjatë një kontrolli policor iu gjetën mbi 16 gramë kokainë.

Sipas njoftimit të Policisë së Kosovës, i dyshuari, një mashkull kosovar, është ndaluar nga njësitet policore rreth orës 02:35, ndërsa gjatë kontrollit fizik në trup – përkatësisht në xhemper – i janë gjetur 16.03 gramë substancë e dyshuar narkotike e llojit kokainë.

Gjatë kontrollit, policia i ka konfiskuar gjithashtu një telefon celular dhe 1,285 euro para të gatshme.

Pas intervistimit nga hetuesit, me vendim të prokurorit, i dyshuari është dërguar në mbajtje, ndërsa ndaj tij është iniciuar rasti “posedim i paautorizuar i substancave narkotike”.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur