Falë zbatimit të sistemit dual të arsimit, shkollat teknike në Skenderaj po shndërrohen në shkolla profesionale, duke u mundësuar të rinjve që të mësojnë një profesion dhe njëkohësisht të paguhen për punën e tyre që nga mosha 16-vjeçare.

Ky model i ri arsimor, i cili u zbatua për herë të parë në vitin 2022, po rezulton të jetë një ndër reformat më të suksesshme në fushën e arsimit profesional. Sipas të dhënave të prezantuara nga Ilir Seferi, kandidat për Asamble në Komunën e Skenderajt, ndryshimi është i dukshëm:

“Në vitin 2022, kur nisi sistemi dual, 80% e të rinjve në Skenderaj shprehnin dëshirën për të emigruar jashtë vendit. Por sot, në vitin 2025, pas përfundimit të shkollimit dhe marrjes së diplomave, 99% e nxënësve tanë kanë kontratë pune në kompanitë lokale dhe dëshirojnë të qëndrojnë këtu, në Skenderaj,” tha Seferi.

Si kryetar i Besa Foundation (Business Economy Society of Albanians), Ilir Seferi është angazhuar në transferimin e sistemit dual gjerman të arsimit profesional në Kosovë.

Iliri është kandidat i Lëvizjes Vetëvendosje për Asamblenë Komunale të Skenderajt (numri 25 në listë).

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur