Njëzetenjë prokurorë të rinj të shtetit do t’i shtohen së shpejti Prokurorive Themelore nëpër Kosovë, ndërsa për këto pozita kanë aplikuar gjithsej 153 kandidatë, të cilët sot iu nënshtruan testit me shkrim në ambientet e Akademisë së Kosovës për Siguri Publike në Vushtrri.

Sipas njoftimit, mbajtja e testit me shkrim është pjesë e procedurave të rregullta të rekrutimit dhe emërimit të 21 prokurorëve të rinj, si fazë e rëndësishme për përzgjedhjen e kandidatëve më të kualifikuar.

Në respektim të transparencës, barazisë dhe llogaridhënies, KPK ka bërë të ditur se testi është hartuar dhe zhvilluar në të njëjtën ditë, në prani të vëzhguesve dhe monitoruesve vendorë e ndërkombëtarë, me qëllim të garantimit të integritetit dhe besueshmërisë së procesit të rekrutimit.

Në këtë testim marrin pjesë 71 gra dhe 82 burra, të cilët garojnë për t’u bërë pjesë e sistemit prokurorial të vendit. Procesi po mbikëqyret nga Ardian Hajdaraj, Kryetar i Komisionit për Rekrutimin e Prokurorëve të Shtetit, i shoqëruar nga anëtarët e tjerë të komisionit, si dhe nga përfaqësues të partnerëve vendorë dhe ndërkombëtarë.

KPK ka bërë të ditur se fazat e ardhshme të procesit do të përfshijnë intervistimin me gojë, ndërsa publiku do të njoftohet me kohë deri në përmbylljen e plotë të rekrutimit dhe emërimin e kandidatëve të suksesshëm në pozitën e Prokurorit të Shtetit.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur