Ministrja belge e Drejtësisë Annelies Verlinden dhe ministrja e Azilit dhe Migracionit Anneleen Van Bossuyt atje filluan një mision diplomatik tre-ditor në Shqipëri dhe Kosovë të hënën. Vizita përqendrohet në adresimin e mbipopullimit të burgjeve dhe luftën kundër krimit të organizuar.

Agjencia belge e lajmeve citon ministren Verlinden të ketë cituar se Kosova po paraqitet si qendër për pastrimin e parave, trafikimit të qenieve njerëzore dhe e kontrabandimit të armëve.

“Verlinden vlerësoi bashkëpunimin me të dy vendet. Kosova, tha ajo, po shfaqet gjithnjë e më shumë në dosjet penale belge si një qendër për pastrimin e parave, trafikimin e qenieve njerëzore dhe kontrabandën e armëve”, thuhet saktësisht në raportim, përcjell Insajderi.

Ministret belge do të zhvillojnë bisedime mbi idenë që ta bëjnë shpërndarjen e të burgosurve të tyre në Shqipëri ose në Kosovë gjatë vizitës në këto vende.

Siç thuhet në raportim, në burgjet belge ndodhen 307 shqiptarë, 253 prej të cilëve nuk kanë lejeqëndrim.

“Nëse ata që janë dënuar këtu dhe nuk kanë të drejtë të banojnë në Belgjikë mund të vuajnë dënimin e tyre në vendin e tyre të origjinës, kjo do të thotë që dënimi zbatohet siç duhet, duke lehtësuar gjithashtu presionin mbi sistemin tonë të burgjeve”, tha Verlinden.

Në Kosovë, delegacioni do të diskutojë gjithashtu një traktat dypalësh mbi ndihmën e ndërsjellë ligjore për të forcuar bashkëpunimin gjyqësor afatgjatë.

“Ballkani Perëndimor është tani një rajon kyç në luftën tonë kundër krimit të organizuar. Dua të ndërtoj mbi besimin e ndërsjellë që është rritur përmes bashkëpunimit të ngushtë në vitet e fundit”, tha Verlinden. /Insajderi.org/

IN Promo Marketing

Furnizohu sot, dhuro shpresë nesër

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja