Një prej pronave publike më të përfolura në Prizren, ajo përballë Qendrës Sportive “Sezai Surroi”, po kthehet në një hapësirë moderne e funksionale për qytetarët e Bazhdarhanës dhe lagjeve përreth. Projekti i ngritjes së ndërtesës së re të Komunës së Prizrenit përfshin krijimin e hapësirave të gjelbra, sheshe për familjet dhe fëmijët, një auditorium bashkëkohor me 800 ulëse, si dhe 500 vendparkime nëntokësore.

Kryetari i Prizrenit, Shaqir Totaj, tha se ky projekt do ta transformojë tërësisht këtë pjesë të qytetit, duke e bërë atë një zonë moderne, të hapur dhe të qasshme për të gjithë.

“Kemi marrë një vendim të rëndësishëm për ta kthyer këtë pronë publike në shërbim të qytetarëve. Ndërtesa e re e Komunës do të jetë simbol i një administrate moderne, efikase dhe transparente, por edhe një qendër që do t’i japë hijeshi dhe funksionalitet qendrës urbane të Prizrenit” – tha Totaj.

Ai shtoi se projekti nuk do të kufizohet vetëm në ndërtimin e objektit administrativ, por do të përfshijë edhe hapësira të gjelbra, kënde lojërash, sheshe për ngjarje kulturore dhe argëtim për familjet.

“Qytetarët e Bazhdarhanës dhe lagjeve përreth do të përfitojnë një ambient të gjallë, të bukur dhe të sigurt. Kjo zonë do të kthehet në një pikë të re atraktive për qytetin” – theksoi Kryetari Totaj.

Ky projekt është pjesë e vizionit për Prizrenin modern, funksional dhe të gjelbër, që po merr formë përmes investimeve të mëdha infrastrukturore dhe urbane në çdo pjesë të qytetit.

IN Promo Marketing

Furnizohu sot, dhuro shpresë nesër

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja