Një incident është raportuar në Emergjencën e qytetit të Mitrovicës, ku një punëtor shëndetësor është sulmuar fizikisht nga një pacient pas një mosmarrëveshjeje lidhur me një trajtim mjekësor.
Sipas raportit 24-orësh të Policisë së Kosovës, rasti ka ndodhur pas një fjalosjeje mes viktimës dhe të dyshuarit, të dy shtetas kosovarë.
Pas debatit, i dyshuari ka sulmuar fizikisht punëtorin shëndetësor në vendin e tij të punës.
Viktima ka marrë ndihmën e nevojshme mjekësore, ndërsa i dyshuari është intervistuar nga policia dhe me vendim të prokurorit është liruar në procedurë të rregullt.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
