Cristiano Ronaldo vazhdon të jetojë si një mbret, edhe jashtë fushës së futbollit. Ylli portugez i Al Nassr është nisur drejt Lisbonës për t’u bashkuar me Kombëtaren e Portugalisë, e cila po përgatitet për ndeshjet e ardhshme ndërkombëtare.
Ronaldo mbërriti në kryeqytetin portugez me avionin e tij personal luksoz, i cili ka bërë bujë në rrjete sociale.
Një video që është bërë virale tregon aeroplanin e zi me inicialet “CR7” të stampuara anash, duke u ulur në aeroportin e Lisbonës, nën vështrimin e shumë tifozëve.
Ky është avioni privat i Ronaldos, një Gulfstream G650, i cili është në pronësi ose përdorim të yllit portugez që nga dhjetori i vitit 2024. Ky model njihet si një nga avionët më të shpejtë dhe më luksozë në botë, dhe vlerësohet në rreth 70 milionë euro.
Cristiano’s private plane in Lisbon.pic.twitter.com/8l7iJ8QCWx
— Al Nassr Zone (@TheNassrZone) October 6, 2025
Avioni mund të mbajë deri në 19 pasagjerë dhe është i personalizuar në çdo detaj, me një dizajn të brendshëm ultra-modern, teknologji të avancuar dhe një hapësirë të veçantë të dedikuar për partneren e tij, Georgina Rodriguez, dhe fëmijët e tyre.
Ronaldo, i cili mban rekordin botëror si golashënuesi më i mirë në historinë e futbollit me ekipet kombëtare, pritet të jetë sërish lideri i Portugalisë në ndeshjet e radhës, teksa kërkon të shtojë edhe më shumë gola në listën e tij të pafund.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
