Pak ditë para zgjedhjeve lokale, gazetari Valon Syla parashikon se në komunën e Lipjanit do të ketë balotazh dhe se kryetari Imri Ahmetaj do të sfidohet seriozisht.

Sipas Sylës, PDK-ja dhe VV-ja po garojnë me kandidatura serioze, gjë që do ta sigurojë balotazhin dhe do t’ia vështirësojë punët LDK-së.

“Balotazhi në Lipjan tashmë duket qartë sepse PDK dhe VV hynë aty me kandidatë të fortë”, shkroi Syla.

Për më tepër, Syla tha se është kandidati i PDK-së, Shukri Buja, ai që i ka sjellë lajme të këqija Imri Ahmetit duke u shndërruar në kundërkandidat të fortë në këtë garë.

“Sidomos, Shukri Buja e riktheu PDK’n në Lipjan dhe ky nuk është lajm i mirë për Imri Ahmetin që mban pushtetin për 12 vjet atje e që 16 vjet për një njeri në pushtet nuk ka qef askushi, e posaçërisht Lipjani këtë herë”, tha Syla në fund.

Imri Ahmeti i ka pasur tri mandate në krye të Lipjanit, ndërsa tash garon për të katërtin me radhë. Por, duket se Shukri Buja i PDK-së ka arritur që të bëjë fushatë serioze dhe ka shpresë të madhe për fitore në fund.

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër