Një grup fëmijësh qëndruan zgjuar deri vonë të mërkurën në mbrëmje në qytetin e Gazës, mes festimeve për një marrëveshje armëpushimi midis Izraelit dhe Hamasit.

Katër vajza të vogla, të buzëqeshura, i tregojnë një gazetari të CNN se janë të lumtura që mund të jenë në gjendje të kthehen së shpejti në shtëpi.

E pyetur pse ishte e lumtur, një vajzë thotë: “Sepse po kthehemi në shtëpitë tona”.

“Ne kemi kaluar dy vjet, dhe tani po e fillojmë të tretin, duke jetuar në luftë. Jemi shumë të lodhur nga kjo jetë”, thotë ajo. “Tani duam të kthehemi. Tani, nëse na thonë të kthehemi, do të kthehemi”.

Një vajzë tjetër, e veshur me pizhamet me vija dhe me fjalën “mbretëreshë” të shtypur mbi to, thotë se fëmijët janë ende zgjuar sepse po i përcjellin festimet.

Fëmijët në Gaza kanë përballuar dy vjet katastrofike konflikti, të kapur mes sulmeve të pamëshirshme ushtarake dhe pasigurisë ushqimore që po përkeqësohet.

Agjencia e Kombeve të Bashkuara për fëmijët shënoi përvjetorin e dytë të luftës me një thirrje për t’i dhënë fund konfliktit dhe kostos shkatërruese që ai ka për fëmijët në enklavën palestineze.

“Gjatë dy viteve të fundit, një numër tronditës prej 64,000 fëmijësh raportohet se janë vrarë ose gjymtuar në të gjithë Rripin e Gazës, përfshirë të paktën 1,000 foshnje. Ne nuk e dimë sa të tjerë kanë vdekur nga sëmundje të parandalueshme apo janë ende nën rrënoja”, tha Drejtoresha Ekzekutive e UNICEF-it, Catherine Russell, në një deklaratë.

IN Promo Marketing

Frostea prezanton pamjen e re – e njëjta shije e mrekullueshme që e do!

Foleja.al dhe Spitali Amerikan – Partneritet për jetë më të mirë

 Eksperienca e blerjeve online arrin në Slloveni!