Legjenda e muzikës ‘country’, Dolly Parton, ka postuar një video për të siguruar fansat se “nuk ka vdekur ende”, pasi motra e saj ngriti thashetheme për shëndetin e saj.
Motra e Dolly Parton, Freida, ngriti frikë këtë javë kur postoi një mesazh në rrjetet sociale, duke u kërkuar fansave të këngëtares ta mbajnë Dollyn në lutjet e tyre.
“Mbrëmë, qëndrova zgjuar gjithë natën duke u lutur për motrën time, Dollyn. Shumë prej jush e dinë se ajo nuk është ndjerë më mirë kohët e fundit. Unë besoj vërtet në fuqinë e lutjes dhe jam nxitur t’i kërkoj të gjithë botës që e do atë të jenë luftëtare lutjeje dhe të luten me mua”, ka shkruar ajo.
Këngëtarja e hiteve “9 to 5” dhe “Jolene” duhej të performonte gjashtë shfaqje në The Colosseum në Caesars Palace në dhjetor, por i shtyu koncertet deri në dhjetor 2026.
Në një postim të përditësuar dje, Freida sqaroi deklaratën e saj origjinale, duke thënë se “nuk kishte ndërmend të trembte askënd ose ta bënte të dukej kaq serioze kur kërkonte lutje për Dollyn”.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
