Fatmir Sheholli është arrestuar si i dyshuar për përfshirje në spiunazh mëngjesin e së enjtes.Prokuroria Speciale ka bërë të ditur se ndaj të dyshuarit është caktuar masa 48-orëshe dhe ka njoftuar për bastisje në shtëpinë e tij.
Në vendin e ngjarjes, gjatë arrestimit të Shehollit, ishte edhe gazetari i njohur, Milaim Zeka.
Ky i fundit tha e kishte dalë për të pirë kafe, teksa nuk është shqetësuar fare nga arrestimi i Shehollit.
“Unë kam dalë me pi kafe. Fatmiri u kanë qaty në hotel e unë jam kanë me dikë tjetër qaty, me miq të mi. Atë erdhën e arrestuan. Tu pi kafe kam qenë… ne kolegë jemi, me Fatmirin dytë kemi qenë gazetarë… S’jam shqetësu! Përse me u shqetësu… kur s’ke bë kurrgjë! Jo vetëm karshi meje, por edhe karshi Fatmir Shehollit, qasja e policisë ka qenë super korrekte. Iu drejtuan, i thanë “zotëri Sheholli jeni i arrestuar për spiunazh”. Kaq! S’ka pasë kurrgjë tjetër. Shumë janë sjell mirë, unë veç kam këqyrë”. deklaroi Zeka për IndeksOnline.
E për situatën në përgjithësi, Zeka thotë se nuk ka koment. E vetmja gjë që e ka shokuar atë ka qenë njoftimi i bërë nga ministri në detyrë i Punëve të Brendshme, Xhelal Sveçla, i bërë menjëherë pas arrestimit.
“S’kam asnjë koment për krejt këtë situatë. Kjo është shumë e rëndë! Me të akuzu dikush për spiunazh… komentet duhet me i pasë shteti. Për mendimin tim, ajo që është partia më e madhe, me dalë në deklaratë ministri i Brendshëm… njerit hala veçse tu iu lidhë durtë, me dalë në deklaratë ministri i Brendshëm, për mu ajo ishte habia më e madhe.
S’del kërkund ministri i Brendshëm me bo deklarata, kur arrestohet dikush për spiunazh. Plus, kur në rast kanë qenë të përfshira organet më të larta: AKI-ja, policia e të gjitha këto. Kjo për mu ka qenë shumë shokante: me e pa se ku ka degradu ky shtet dhe çfarë ndërhyrje bën në polici dhe çështje të sigurisë”, tha Zeka.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
