Policia e Kosovës, Drejtoria Rajonale e Policisë në Gjakovë – Stacioni Policor në Malishevë, njofton opinionin publik për rastin e zhdukjes së personit Halim Ramadan Sopaj, i lindur më 11.11.1965, banues në Janqishtë – Malishevë.

Sipas raportit policor, më 05.10.2025, rreth orës 00:40, familjarët kanë njoftuar për zhdukjen e tij.

Sopaj kishte dalë nga shtëpia dhe nuk është kthyer më. Në momentin e largimit, ai ishte i veshur me rroba sportive të zeza, bluzë të zezë dhe atlete (patika) të kaltra.

Që nga dita e raportimit, policia rajonale, në bashkëpunim me njësi të specializuara të PK-së, FSK-në, Drejtoria e Emergjencave të Komunës së Malishevës dhe Zjarrfikësit, ka ndërmarrë veprime të vazhdueshme operative dhe hetimore për gjetjen e tij, por deri tani nuk është arritur ta lokalizojë.

Policia e Kosovës u bën thirrje qytetarëve për bashkëpunim, që të ndihmojnë në gjetjen e personit të zhdukur.

Nëse dikush ka informacione që mund të ndihmojnë, kërkohet të njoftojë menjëherë: në numrin 192 (pa pagesë) ose në stacionin më të afërt policor.

Bashkëpunimi i qytetarëve është jetik për gjetjen sa më të shpejtë të Halim Ramadan Sopajt.

IN Promo Marketing

Meridian Express feston 13 vite me shpërblime, çmime të lira dhe risi për klientët besnikë!

Udhëto drejt Evropës me çmimet më të lira në treg – EphesusTravel hap sezonin e ri për udhëtime, akomodim dhe...

Frostea prezanton pamjen e re – e njëjta shije e mrekullueshme që e do!