Partia e Drejtësisë nëpërmjet një komunikate për media ka thënë se ka përcjellë me vëmendje deklaratat e Ministrit të Pushtetit Lokal, Ljubomir Mariq, i cili është shprehur haptazi kundër anëtarësimit të Kosovës në UEFA dhe FIFA.

“PD konsideron se ministri në fjalë ka thyer politikat e Qeverisë së Kosovës dhe deklaratat e tij janë provokuese dhe në kundërshtim me interesat e Kosovës”, thuhet në komunikatë.

Sipas Partisë së Drejtësisë, thirrjet e ministrit serb nuk kontribuojnë në normalizimin e marrëdhënieve ndëretnike në Kosovë dhe si të tilla për Partinë e Drejtësisë janë të papranueshme.

“Qeveria e Kosovës duhet të jetë e kujdesshme përballë deklarimeve individuale të ministrave pa marrë parasysh komunitetit të cilit i takojnë, sepse çdo njëri i cili bartë një pozicion ministror nuk përfaqëson individin e as klanet politike. por përfaqëson Qeverinë e Republikës së Kosovës”, thuhet në komunikatë.

Partia e Drejtësisë ka ftuar ministrin të jetë i kujdesshëm dhe të heq dorë nga deklaratat e tij provokuese dhe me motive nacionale, sepse si të tilla ato përcjellin një mesash destruktiv./Insajderi.com

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur