Korporata Energjetike e Kosovës ka reaguar të mërkurën ndaj një artikulli të publikuar në portalin veriuinfo, ku thuhej se punëtorët e KEK-ut kanë demoluar zyrën e drejtorit Arben Gjukaj.

Sipas KEK-ut, artikulli është i pavërtetë duke thënë se portali “ka publikuar këto shpifje pa e marrë mundimin që së paku të marrë qëndrimin zyrtar të Policisë apo të palës së dëmtuar, në këtë rast KEK-ut”.

“Në të vërtet, dje, me datë 17.05.2016 gjatë protestës, ish punëtorët e KEK-ut kanë hyrë në korridorin e menaxhmentit dhe kanë penguar punën normale, por asnjeri nga ish punëtorët e KEK-ut te cilët kanë qenë në protestë nuk kanë hyrë në zyrën e drejtorit menaxhues – Zt.Arben Gjukaj,që do te thotë se artikulli ne fjalë është absolutisht i pavërtetë”, thuhet në reagimin e KEK-ut.

“Për këtë janë njoftuar organet e rendit të cilët kanë arritur në kohë dhe kanë qetësuar situatën, hetuesia dhe prokuroria janë duke e hetuar rastin. Në lidhje me këtë ngjarje kanë arritur edhe disa media në të cilat është raportuar rasti gjatë ditës së djeshme”./Insajderi.com

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur