Trajneri i Chelseat Guus Hiddink, ka paralajmëruar Pep Guardiolën ta ndryshojë stilin e tij të lojës, kur të bëhet trajner i Manchester Cityt, në Angli.

Sipas trajnerit të Chelseat, nuk ka shans që të pasosh topin horizontalisht në linjën e mbrojtjes me 4 lojtarë, të ndihmuar edhe nga portieri. Holandezi thotë që në Premier League duhet të tentosh pasime vertikale.

“Unë e njoh Pepin. Atij i pëlqen të luajë futboll tërheqës. Skuadrat e tij luajnë me mbajtje topi në katërshen e mbrojtjes me portierin. Dhe ata pasojnë anash pa pasur synimin për të bërë lojën vertikale. Por në këtë vend njerëzit nuk ta lejojnë këtë. Unë mendoj se mendimi i parë duhet të jetë pasimi vertikal”, tha Holandezi që morri drejtimin e Chelseat para rreth një muaji, kur Chelsea e shkarkoi Mourinhon nga detyra.

Guardiola momentalisht trajner i Bayern Munichut ka paralajmëruar se do të marrë drejtimin e skuadrës së Manchester Cityt pas përfundimit të këtij edicioni.