Ish-Kryetari i Kuvendit, Jakup Krasniqi ka thënë se duhet të formohet një komision i ri për shënimin e vijës kufitare me Malin e Zi. Ai ka thënë se vetëm në këtë mënyrë bëhet korrigjimi i gabimeve që janë bërë nga komisioni i udhëhequr nga Murat Meha.

Veç kësaj, Krasniqi ka folur edhe për marrëveshjet e Brukselit. Ka thënë se pajtimi i Kosovës për Asociacionin e Komunave me Shumicë Serbe është i dëmshëm për Kosovën.

“S’jemi kundër Asociacionit. Por, ky mekanizëm duhet të jetë i bazuar në ligjet e Kushtetutën e Kosovës. Ne e kemi Asociacionin e Komunave që s’është marrë as Qeveria, as Kuvendi dhe as Gjykata Kushtetuese”, ka shtuar ai, shkruan RTK.

Këto komente i ka bërë në Konventën e rinisë së NISMA për Kosovën. Sipas tij, krijimi i Asociacionit po i vë bazat e një pushteti të tretë në Kosovë. /Insajderi.com