Në raportin e publikuar sot të rrjetit të këshillimoreve për viktimat e racizmit për vitin 2015 thuhet se motivi më i shpeshtë i diskriminimit është ksenofobia ose urrejtja ndaj të huajve dhe pas tij vjen urrejtja raciste ndaj personave me ngjyrë (zezakëve). Raporti konstaton edhe rritje të numrit të rasteve të diskriminimit të myslimanëve.

Mënyrat më të shpeshta të diskriminimit janë ato përmes sharjeve, trajtimit poshtërues dhe dëmtimit

239 rastet e diskriminimit racor të përfshira në raport janë paraqitur nga 18 këshillimore të të gjitha pjesëve të Zvicrës, të cilat janë të lidhura në rrjetin e këshillimoreve kundër racizmit.

Raporti konstaton se ka vazhduar trendi i paraqitjes më të shpeshtë të diskriminimit racor në botën e punës, ku janë regjistruar 47 raste. Pas ksenofobisë, racizmi ndaj zezakëve, me 60 raste të paraqitura, është më i shpeshti. Pas tij vjen urrejtja ndaj myslimanëve me 53 raste që është për 11 për qind më shumë se në raportin e vitit të kaluar, njofton albinfo.ch

Rastet nga praktika e këshillimoreve të Zvicrës janë përcjellë nga shoqata humanrights.ch dhe janë vlerësuar së bashku me Komisionin Federal kundër Racizmit (EKR).

Raporti publikohet në një format të ri, me kategori të përshtatura dhe që mundësojnë krahasimin me analizat e mëhershme.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur