Presidenti i Kosovës, Hashim Thaçi sot gjatë ditës ka marrë pjesë në 90 vjetorin e shkollës “Abedin Rexha’’ në Turiqec të Skënderajt, shkollë kjo në të cilën ai kishte ndjekur mësimet si fillorist.

Arsimtarja e kimisë në shkollën fillore “Abedin Rexha” që dikur quhej “Liria”, nxënësin e saj tashmë president, e ka kujtuar  me plot krenari e për të ka pasur vetëm fjalë të mira.

Ndërsa arsimtari i gjuhës shqipe, Zymer Hasani  ka treguar për karakterin e shefit të shtetit, ashtu siç jo të gjithë e njohin.

“Asnjëherë nuk e ka ngacmuar askënd por nuk ka lejuar që askush ta ngacmoj. Andaj në qoftë se e ka ngacmuar dikush ka qenë ka qenë shumë agresiv”, ka thënë ish-mësuesi i presidentit.

Presidenti i vendit që u prit me duartrokitje e përqafime nga vendasit tha se shkolla ku ai mësoi dha shumë për edukimin e brezave.

Me këtë rast, Thaçi nuk la pa  falënderuar mësimdhënësit e tij.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur