Ministri i Kulturës, Rinisë dhe Sportit, Kujtim Gashi, e konsideron të turpshëm dhe të papranueshëm keqtrajtimin e artistëve nga Kosova të cilët do të merrnin pjesë në festivalin “Mirdita – Dobar dan” që do të mbahet në Beograd.

“Keqtrajtimi dhe maltretimi psikik që u është bërë artistëve nga Kosova nga autoritetet serbe në kufi, që po udhëtonin për në Beograd është një akt që turpëron shtetin e Serbisë dhe është në raport të kundërt me dialogun dhe normalizimin e marrëdhënieve mes Kosovës dhe Serbisë dhe i përkeqëson edhe më tej relacionet fqinjësore”, tha ministri Gashi, shkruan Gazeta Alo.

“Njerëzit e artit dhe të kulturës përmes veprimtarisë së tyre krijuese kanë për qëllim të ndërtojnë ura mes kulturave dhe qytetërimeve dhe shtetet duhet të krijojnë politika lehtësuese për artistë e jo të pengohen në aktivitetet e tyre. Nevojitet që edhe Serbia të largohet nga mendësia e vjetër e të pengojë artistët nga Kosova dhe jo vetëm ata, që të realizojnë aktivitetet e tyre”, ka thënë ministri Gashi.

“Përmes veprimeve të këtilla të autoriteteve serbe, marrëveshjet që arrihen në Bruksel për lëvizje të lirë dhe ndërtim të raporteve të mira mes Kosovës e Serbisë, dëshmojnë se Serbia nuk është e gatshme t’i respektojë dokumentet që nënshkruhen në Bruksel dhe me këtë rast si Ministër i Kulturës, Rinisë dhe Sportit, i bëj thirrje edhe autoriteteve evropiane që të analizojnë këtë rast por edhe rastet tjera të mëhershme kur autoritetet serbe pengojnë artistë e sportistë të Kosovës të marrin pjesë në ngjarje që organizohen në Serbi dhe të bëjnë trysni ndaj autoriteteve serbe”, tha ministri./Gazeta Alo

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër