Sopranoja shqiptare Ermonela Jaho i ka dalë në mbështetje të tenorit të famshëm Placido Domingo në këtë moment të vështirë që ai po kalon pasi akuzohet për abuzim seksual nga 8 këngëtare dhe kërcimtare të ndryshme.

Përmes një postmi në rrjetet sociale, Jaho shkruan se maestro Placido Domingo përveçse një artist i kalibrit më të lartë botëror është dhe një zotëri i vërtetë.

“Kam patur nderin dhe privilegjin të këndoj me maestro Placido Domingo në produksione dhe koncerte në mbarë Botën. Përveç të qenit të artist legjendar dhe i mrekullueshëm që ka dhënë një kontribut të pakrahasueshëm në botën e muzikoës, jo vetëm me performancat e tij por edhe me përkushtimin e thellë për të mbështetur gjeneratën e këngëtarëve të rinj, maestro Domingo ka qenë gjithmonë jo vetëm një koleg shpirtmirë dhe i përkryer, por edhe një zotëri elegant dhe pa të metë. Do ta ruaj gjithmonë si thesar çdo kujtim të eksperiencave artistike që kemi ndarë së bashku”, shkruan sopranoja e famshme Jaho në rrjetet sociale.

IN Promo Marketing

Furnizohu sot, dhuro shpresë nesër

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja