Në Panairin e Librit në Romë, “Piu libri, piu liberi”, i cili është njëri nga panairet më të rëndësishmit jo vetëm në Itali por edhe më gjerë, janë promovuar edhe tri vepra të shkrimtarëve shqiptarë.

Libri me tregime “Shumë rrugë dhe një rënie”, (“La fiera dei sogni”), i shkrimtarit nga Kosova, Adil Olluri, është njëri nga këta libra e që tashmë gjendet edhe në duart e lexuesve italianë.

Ndër librat e autorëve shqiptarë që u promovuan në këtë panair, është edhe romani “Talianka” i autorit Agron Gashi , si dhe romani i Rezart Palluqit “193 gabbi”.

Veprat janë përkthyer të plota në italisht nga Iris Hajdari, ndërsa janë botuar nga Edizioni Ensemble, një shtëpi botuese me seli në Romë. Librat janë mirëpritur edhe nga kritika e atjeshme. Për librat atje kanë shkruar edhe gazetat “Corriere della Serra”, “La Republica” dhe “Il manifesto”.

Një recension për librin “Shumë rrugë dhe një rënie”, të autorit Adil Olluri është shkruar edhe nga kritikja italiane, Serena Adeso, e cila librin e cilëson si zë kosovar që sjell në gjuhën italiane temën e luftës së Kosovës, të parë nga një kënd humanist dhe tregimet e Ollurit i konsideron si apel për paqe. / KultPlus.com

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur