Gjetjet e programit për mbështetjen e ndërmarrjeve të vogla dhe të mesme, KOSME, një projekt i përbashkët mes Qeverisë së Kosovës, Zvicrës dhe Austrisë,  tregojnë se shumica e bizneseve në vend janë duke luftuar për mbijetesë.

“60 për qind e Ndërmarrjeve të Vogla dhe të Mesme (NVM) luftojnë për mbijetesë ndërsa 10% e tyre janë në prag të shuarjes”, thuhet në gjetjet e këtij programi, të publikuara dje ( të mërkurën).

Projekti KOSME përkrahë Ministrinë e Tregtisë dhe Industrisë që të përmirësoj qasjen ndaj bizneseve të vogla dhe të mesme, që është një parakusht për zhvillimin e sektorit privat.

Projekti zbatohet nga Nisma Ekonomike për Kosovën (ECIKS) dhe deri më tash ka realizuar disa hulumtime siç janë:  “Gatishmëria e NVM-ve të Kosovës për investime në rritje dhe zhvillimi – 2016”, dhe “Eksportet e NVM-ve – qasja, faktorët e suksesit, dhe pengesat – 2016.”,  “Raporti i hulumtimit të NVM-ve – 2014, dhe “Vlerësimi i kapaciteteve të këshilldhënies – 2013”.

Po ashtu KOSME ka publikuar  edhe raportin e vlerësimit të konkurrencës në Komuna  gjatë vitit 2015.

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman