Lidhja Demokratike e Kosovës që drejtohet nga Isa Mustafa, ka dënuar hedhjen e ujit në drejtim të kryeministrit nga deputeti i Lëvizjes vetëvendosje, Mytaher Haskuka, “si dhe veprimet e tjera të pahijshme të disa deputetëve të opozitës gjatë seancës së sotme të Kuvendit të Kosovës”.

Lidhja Demokratike e Kosovës i konsideron të papranueshme këto veprime, e veçanërisht sulmet e dhunshme të orientuara kundër kryeministrit Isa Mustafa, në drejtim të të cilit sot u hodh ujë nga një deputet anonim i opozitës, ndërsa pak ditë më parë nga militantë të maskuar të saj u hodhën kokteje molotovi mbi shtëpinë e banimit të kryeministrit Mustafa dhe familjes së tij.

“LDK-ja kërkon nga organet kompetente që të marrin masat e duhura për parandalimin e akteve të tilla, ndërkaq nga deputetët e opozitës kërkon që përfundimisht të heqin dorë nga format e tilla vandale të sjelljes, me të cilat kanë neveritur opinionin vendor e ndërkombëtar”, ka thënë LDK-ja.

LDK-ja ka i ka thënë deputetit Haskuka se veprimi i tij nuk është forma përmes të cilës ai do të dalë nga anonimiteti dhe të vijë në shprehje në një shoqëri demokratike.

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman