Deputeti i Lëvizjes Vetëvendosje, Rexhep Selimi, tha se ai nuk e ka kërcënuar asnjë zyrtar të Policisë së Kosovës në Kuvend, gjatë kontrollit që atij iu bë para fillimit të seancës plenare të së enjtes.
Selimi tha se vetëm e ka kundërshtuar bastisjen nga njëri prej oficerëve të policisë pasi ai polic“kalonte çdo lloj norme etike”.
“E kam kundërshtuar bastisjen nga njëri prej zyrtarëve të Kuvendit pasi ai e ka tejkaluar çdo lloj praktike dhe çdo lloj norme etike. Sidoqoftë unë nuk kam refuzuar që edhe oficeri tjetër i policisë të më kontrollonte”, tha deputeti i VV-së në emisionin Jeta në Kosovë.
Ai pretendon se ky ishte një provokim i drejtpërdrejtë i pushtetit ndaj tij, që ta fus atë në konflikt me zyrtarët e Kuvendit.
“Ky ishte një provokim i drejtpërdrejtë nga pushteti që të më joshë mua në një konflikt”, përfundoi Selimi.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
