Ekipet emergjente në Gjilan kanë intervenuar në 20 shtëpi private pas vërshimeve në qytet, duke e larguar ujin me anë të pompave.

Ekipet emergjente të Komunës kanë intervenuar për të sanuar gjendjen në lagjen“Dardania”,  si dhe kanë intervenuar në lumin “Mirusha” e në lumin “Stanishorka” në Kuvcë pasi dolën nga shtrati, sikurse edhe në fillim të rrugës së Malishevës dhe në fshatin Velekincë.

Ndërkaq, në fshatrat Malishevë, Uglarë dhe Pogragjë janë të vërshuara vetëm disa toka të banorëve, por jo edhe shtëpitë e banimit, njofton Komuna e Gjilanit përmes një komunikatë për media.

Pas reshjeve të pandërprera të shiut, shtabi i Emergjencave në  Komunën e Gjilanit, së bashku me njësinë Zjarrëfikësve, Policinë e Kosovës dhe kompaninë e ujit “Hidromorava”, ka mbajtur dje një takim për menaxhimin e vërshimeve.

Kryetari Lutfi Haziri ka thënë se ekipet emergjente të Komunës do të jetë në dispozicion 24 orë, thuhet në një komunikatë për media./Insajderi

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman