Presidenti  në ardhje i Kosovës, Hashim Thaçi, ka vendosur të ftojë presidentin serb, Tomislav Nikoliç, në ceremoninë e betimit të tij si president i Kosovës.

Për ceremoninë e betimit që pritet të mbahet më 7 prill, Thaçi ka ftuar edhe homologët e tij të vendeve të rajonit, njofton Der Standard.

“Do të ketë një ceremoni me rastin e marrjes së funksionit të Presidentit në fillim të prillit dhe i gëzohem edhe ftesës që kam për t`ia dërguar Presidentit Nikoliq. Ne do t’i ftojmë edhe presidentët e tjerë të rajonit. Atë e kam takuar edhe në raste të tjera. Pra, kjo nuk do të jetë diçka e panjohur për Nikolicin”, ka deklaruar ish-kryeministri i Kosovës në intervistë dhënë mediumit austriak.

Presidenti në ardhje është akuzuar nga partitë opozitare se është bërë president i Kosovës me nidhmën e Beogradit, duke iu referuar përkrahjes që Lista Serbe i ka dhënë zgjedhjes së tij në krye të vendit.

Megjithatë, këto akuza duket se nuk e kanë penguar aspak Thacin që të ftojë homologun serb ne këtë ceremoni./Insajderi.com

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman