×
  • Biznes
  • Biznes / Biznes

    Zbulohet logoja dhe motoja zyrtare e Forcës Hapësinore të SHBA-së

    Insajderi
    24 July 2020 - 08:43

    Dega më e re e ushtrisë së Shteteve të Bashkuara është Forca Hapësinore e SHBA-së.

    Logoja dhe motoja për degën e re të shërbimeve të armatosura është zbuluar tashmë, transmeton Telegrafi.

    Motoja është Semper Supra, që do të thotë “Gjithmonë lart”.

    Kjo është një moto e përshtatshme për një forcë hapësinore.

    Simboli për degën e re është Delta, e cila u përdor për herë të parë në vitin 1961 dhe ka për qëllim të nderojë trashëgiminë e Forcës Ajrore dhe Komandës Hapësinore të Shteteve të Bashkuara.

    Ekziston një simbolikë shtesë brenda vetë simbolit Delta.

    Space Force thotë se kufizimi i jashtëm nga argjendi i logos nënkupton mbrojtje nga të gjithë kundërshtarët dhe kërcënimet nga domeni hapësinor.

    Zona e zezë brenda kufirit të jashtëm argjendi përfaqëson “errësirën e gjerë të hapësirës së thellë”.

    Katër elementët e zbukuruar brenda Deltës kanë për qëllim të simbolizojnë forcat e armatosura të përbashkëta që mbështesin misionet hapësinore, duke përfshirë Forcën Ajrore, Ushtrinë, Marinën dhe Marinsat.

    Ylli në qendër të Delta është Polaris. Ylli ka për qëllim të simbolizojë vlerat thelbësore që udhëheqin misionin e Forcës Hapësinore.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark