Ish-banorja e Big Brother VIP Kosova 2, Kader Kicaj, ka folur hapur për mundësinë e një rikthimi në lidhjen e saj me Lumbardh Salihun, gjatë një rubrike në emisionin “Prive” me Liberta Spahiun.
Një komentues i kishte shkruar: “Jepe një shans të dytë, provoje fatin dhe bashkohu”, duke e nxitur Kaderin të reflektojë mbi të kaluarën dhe mundësinë e ndonjë pajtimi të mundshëm me ish-partnerin.
Megjithatë, reagimi i saj ishte i prerë dhe i qartë.
“Unë shans të dytë kam dhënë shumë, edhe nuk besoj që duhet me dhënë shansin e tretë. Nuk e meritojnë gjithmonë njerëzit me pas edhe një shans edhe një herë”, u shpreh Kader, duke nënkuptuar se tashmë e ka bërë përpjekjen e saj për të shpëtuar marrëdhënien dhe nuk ka më hapësirë për kthim pas.
Në vazhdim, ajo e krahasoi idenë e një rikthimi me leximin e një libri, një metaforë që tërhoqi vëmendje.
“Si me ia nis me lexu një libër për të tretën herë edhe një herë, rreshtat, fjalët e njëjta, veç me i kalu”, shtoi bukuroshja nga Prizreni.
Kader dhe Lumbardhi ishin një ndër çiftet më të përfolura gjatë kohës së tyre në shtëpinë e Big Brother VIP Kosova, ku publiku i ndoqi me kuriozitet zhvillimet e raportit të tyre.
Edhe pas përfundimit të spektaklit, marrëdhënia e tyre mbeti temë diskutimi në media dhe rrjete sociale, mes aludimeve për një rikthim të mundshëm.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
