Ndonjëherë jeni duke parë një emision ose thjesht po pushoni në divan, dhe papritmas koteni. A zgjoheni menjëherë dhe vendosni të shkoni në shtrat? Apo nxirrni një batanije dhe bëni një sy gjumë të plotë?

Normalisht do të thoshim se më shumë gjumë është më mirë. Por në këtë rast, të flesh në divan mund të jetë një tregues për një çështje tjetër.

Presionin e gjakut

Hulumtimi i paraqitur në Kongresin e Shoqatës Evropiane për Kardiologjinë në Romë, i realizuar mes 2400 pjesëmarrësve japonezë, tregoi se presioni i gjakut i burrave japonezë që ndiheshin të lodhur para se të flinin (dhe flinin në divan për shkak të tij) ishte më i lartë. Ndonjëherë edhe shumë i lartë. Lajm i mirë për lexueset tona femra: presioni i gjakut i grave që bënin një sy gjumë para gjumit të natës ishte plotësisht i mirë.

Këto gjetje mund të tregojnë se burrat që bëjnë dremitje në divan dhe bien në gjumë herët, mund të kenë të bëjnë me ndonjë problem shëndetësor që shkakton lodhje dhe shkaktohet nga presioni i lartë i gjakut. Ose mund të nënkuptojë se të biesh në gjumë në divan rrit presionin e gjakut! Sido që të jetë, dremitja para gjumit mund të mos jetë mënyra më e mirë.

Shëndeti

Gjumi në divan gjithashtu nuk do të rezultojë në cilësi të mirë të gjumit dhe madje mund t’ju japë dhimbje shpine ose qafë. Kështu që herën tjetër që do ta keni ndjesinë e dremitjes në gjysmë të emisionit tuaj të preferuar në Netflix, thjesht detyrojeni veten ta përfundoni atë. Dhe shkoni në shtrat më pas.

Nëse jeni një dremitës i rregullt në divan dhe jeni të shqetësuar për presionin e gjakut, një vizitë te mjeku juaj mund të jetë e dobishme. Presioni i lartë i gjakut mund të jetë i rrezikshëm sepse rrit rrezikun e një ataku në zemër, goditjeje në tru ose dështim të zemrës.