Lideri i Nismës dhe deputeti i Kuvendit të Kosovës, Fatmir Limaj ka konfirmuar se është takuar me kreun e Vetëvendosjes, Albin Kutin, shkruan Insajderi.
Ai ka thënë se Albin Kuritit ia ka kërkuar postin e kryeparlamentarit.
“Kishim një dakordim gojor për këtë pozitë me Kurtin. Ai ka pas me shku me fol me strukturat e tij për këtë propozim”, tha Limaj.
Këtë dakordim, Limaj thotë se e kishin në fillimet e seancave për konstituimin e Kuvendit. Para propozimit të Albulena Haxhiut.
Por, sipas tij nuk kishin marrëveshje konkrete.
“Ne nuk kemi pas marrëveshje me shkrim”- thotë Limaj.
Tutje, Limaj tha se Kurti i ka ofruar poste ministrore të cilat i ka refuzuar kreu i Nisës.
“Ai dëshiroi partneritet. Kurti me ofroi me qenë pjesë e Qeverisë. Unë i kam thënë se Nisma nuk është e interesuar për Qeveri”, tha ai./ Gazeta Insajderi/
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
