Kryetari i Aleancës për Ardhmërinë e Kosovës, Ramush Haradinaj do të marrë pjesë në darkën e organizuar për nder të Dërguarit amerikan për Ballkanin Perëndimor, Gabriel Escobar.

Kështu kanë konfirmuar për Insajderin nga Zyra për Komunikim e AAK-së.

“Haradinaj merr pjesë në një darkë që organizohet në nder të z. Escobar, nga Ambasadori Hovenier”, thuhet në përgjigjen e partisë së Haradinajt.

Në darka e organizuar nga ambasadori amerikan në Kosovë, Jeffry Hovenier do të marrin pjesë edhe kryetarët e partive tjera opozitare. Memli Krasniqi nga PDK dhe Lumir Abdixhiku nga LDK.

Ndërkaq, Escobar nga ora 16:30 do të takojë edhe presidenten e vendit, Vjosa Osmani.

“Në orën 16:30, Presidentja e Republikës së Kosovës, Vjosa Osmani Sadriu, pret në takim të dërguarin e posaçëm për Ballkanin Perëndimor të SHBA-së, Gabriel Escobar”, thuhet në njoftim përcjell Insajderi.

Në anë tjetër Escobar nuk pritet të takohet sot me Kurtin. Zëdhënësi i Qeverisë së Kosovës, Përparim Kryeziu për Gazetën Insajderi ka treguar arsyen e mostakimit të Kryeministrit të Republikës së Kosovës me Përfaqësuesin e Diplomacisë amerikane, Escobar.

Kryeziu bëri të ditur se sot nuk do të ketë takim të Escobar me Kurtin pasi nuk është në agjendë të ndodh një takim i tillë.

“Kryeministri Kurti nuk do të takohet me Escobar sepse nuk ka qenë në agjendë për sot” – tha Përparim Kryeziu për Insajderin.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur