Aleanca për Ardhmërinë e Kosovës ka përshëndetur vendimin e Kryesisë së Kuvendit të Kosovës që të mbajë më 3 gusht një debat për marrëveshjen e demarkacionit kufitar me Malin e Zi.

Përmes një komunikate për media, AAK thotë se ky është një vendim i vonuar por një mundësi e mirë që të binden të gjithë ata që po e mbrojnë ketë formë të demarkacionit me Malin e Zi, e cila i falë mbi 8 mijë hektarë tokë të Kosovës, se kjo marrëveshje është e dëmshme dhe prek integritetin territorial të vendit”, thotë ndër të tjera kumtesa.

Kryetari i kësaj partie, Ramush Haradinaj, gjatë kësaj jave ka thënë se Qeveria e Kosovës ka qenë e mbyllur lidhur me këtë temë, por në anën tjetër përfaqësues qeveritarë kanë thënë se opozita e ka bllokur debatin në Kuvendin e Kosovës për shkak të protestave brena kuvendit./Insajderi.com