Në seancën e fundit të Kuvendit Komunal Pejë për vitin 2024, shefi i asamblistëve të AAK-së, Labinot Panxha, ka ngritur shqetësime serioze lidhur me këmbimin e pronave komunale nga Kryetari i Pejës, Gazmend Muhaxheri, duke e cilësuar këtë veprim si tregti të paligjshme që dëmton interesin publik.
Në reagimin e tij, Panxha theksoi se ngritja e këtyre shqetësimeve është kundërshtuar ashpër nga Kryetari Muhaxheri, i cili, sipas tij, ka ushtruar presion ndaj Kryesuesit të Kuvendit për t’ia ndërprerë fjalën në mënyrë të jashtëligjshme.
“Ky veprim synon të heshtë zërin e së vërtetës dhe të fshehë pazaret me pronën komunale,” u shpreh ai, duke ftuar Prokurorinë e Shtetit që të nisë hetime të menjëhershme dhe të vërë para drejtësisë përgjegjësit.
“Prona publike është e qytetarëve dhe nuk mund të përdoret për përfitime të dyshimta,” përfundoi ai.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
