Aleanca për Ardhmërinë e Kosovës ka mbajtur konferencën e dytë për media në ditën e zgjedhjeve, ku kjo parti është duke garuar në pesë komuna në raundin e dytë të zgjedhjeve.

Shefi i Grupit Parlamentar të AAK-së, Besnik Tahiri, ka thënë se sipas informacioneve gjatë pasdites ka pasur dalje më të madhe për të votuar, teksa ka ftuar të gjithë qytetarët të shfrytëzojnë të drejtën e tyre të votimit.

“Në 5 komunat ku ne garojmë, tregojnë që pasdite ka pasur dalje më të mirë. Nuk ka pasur diçka probleme që kishim pasur mundësi t’i theksojmë. Ne jemi me disponim dhe i ftojmë të gjithë qytetarët që nuk kanë shfrytëzuar të drejtën e tyre të votës, të dalin e të votojnë. Po e presim me bindje të thellë e të plotë mbylljen e kutive të votimet”, ka thënë Tahiri.

Në anën tjetër, anëtari i AAK-së, Muharrem Nitaj ka thënë para mediave se sipas informacioneve gjatë ditës ka pasur disa raportime për probleme në Komunën e Junikut.

Ai ka thënë se apelon tek të gjithë që të mos ndikojnë në kompromentimin e ditës së sotme të zgjedhjeve.

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman