Kryeministri shqiptar i Malit të Zi, Dritan Abazoviq tha se Mali i Zi nuk do të vrapojë në iniciativën ‘Ballkani i Hapur’.

Abazoviq thotë se Mali i Zi është i gatshëm të ulet dhe të bisedojë më kryeministrat e vendeve të rajonit, për të diskutuar rreth idesë për Ballkanin e Hapur.

“Na nuk kemi pru vendim në qeveri, Mali i Zi me siguri nuk ka me vrapu në Ballkanin e Hapur, por Mali i Zi ka me qenë i gatshëm me  u ul me kryeministrat tjerë, me pa cka është ideja,  aty tregohet se munet me ardh deri në një interes i përbashkët që i konvenon Malit të Zi, me theksim se ne nuk dojmë diçka me zëvendësu integrimin evropian.

Nëse ne e shohim atë në një mënyrë për një komunikim më të rregullt me të tjerët, atëherë është në rregull”, tha Abazoviq në Rubikon të Klan Kosovës.