Kandidati për kryeministër nga radhët e LDK’së, Lumir Abdixhiku, e ka quajtur kampion Xhafer Gashin, kandidatin e këtij subjekti politik për deputet, pas tubimit madhështor në Obiliq.

Abdixhiku ka thënë se është zotuar para kastriotasve për rritje të ekonomisë dhe hapje të vendeve të punës.

I pari i LDK’së i uroi suksese Gashit dhe Lendita Bekteshit, kandidates për deputete nga Lidhja Demokratike e Kosovës.

Njoftimi i plotë:

OBILIQ!

Tubim që të lë pa fjalë. Palestra Sportive ‘Adem Jashari’ ishte e mbushur plot!

Xhafë, je kampion!

Gra e burra të bashkuar për të ardhmen! Entuziazëm, besim, dhe shpresë që na ngarkon me përgjegjësi të madhe!

Në Obiliq, mes njerëzve të ndershëm e punëtorë, u zotuam për të ardhmen që do ta ndërtojmë bashkë! Për Kosovën ku zhvillimi nuk është premtim, por realitet; ku ekonomia rritet dhe hap vende pune; ku bizneset kanë përkrahje, dhe ku rinia ka mundësi për të shkëlqyer!

Programi ynë ‘Rruga e Re’, bashkë me ekipin tonë me profesionistë të përkushtuar, janë ëndrra jonë për Kosovën – një Kosovë ku askush nuk mbetet prapa, dhe që është shembull i zhvillimit në rajon dhe Europë.

9 shkurti është pika e kthesës që përcakton fatin e Kosovës, dhe për ne, përgjigjja është e qartë: Kosova është e gatshme për ndryshimin që po e sjell Lidhja Demokratike bashkë me qytetarët e vendit!

Fitore, dhe asgjë më pak!

Faleminderit Xhafer për organizimin e jashtëzakonshëm, dhe suksese ty e Lendita Bekteshit!