Kryetari i Lidhjes Demokratike të Kosovës, Lumir Abdixhiku, ka reaguar ndaj publikimit të disa komunikimeve të brendshme të Kryesisë në media, duke e cilësuar këtë si veprim të qëllimshëm për të dëmtuar partinë.
Ai tha se është zhgënjyes fakti që persona brenda Kryesisë, të cilën vetë e udhëheq, kanë dalë me informacione konfidenciale.
Sipas tij, ky veprim është bërë me qëllim të qartë politik për të goditur LDK-në.
“Vetmin dëshpërim që e kam dhe vazhdoj ta kem është që ka njerëz, në Kryesinë time, që megjithatë komunikimet e brendshme i nxjerrin jashtë me qëllim për ta dëmtuar partinë”, tha Abdixhiku në Pressing, përcjell Insajderi.
I pyetur drejtpërdrejt nëse janë anëtarë të Kryesisë ata që i kanë publikuar mesazhet, ai u përgjigj: “Po, ndryshe s’kanë dalë.”
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
