Kandidati për kryeministër nga Lidhja Demokratike e Kosovës Lumir Abdixhiku, gjatë tubimit të madh në Prizren ka thënë se fitorja e madhe tashmë ka nisur.

Sipas tij, sallat po janë të vogla për pjesëmarrjen e madhe.

‘’Fitorja e madhe tashmë ka nisur!Para disa ditëve mora zemër në Pejën e bukur të Dukagjinit. Vazhduam në Ferizaj, e mbrëmë në Fushë Kosovë. Sonte në Prizren, është e qartë se LDK-ja është ngritur tashmë në këmbë. Sallat janë të vogla për pjesëmarrjen tonë të madhe. E djathta po rikthehet në qeverisjen e ardhshme atdhetare. Mbani mend 3 numra të fitores, 124.

124 është numri ynë. Lidhja Demokratike e Kosovës është emri ynë. Republika e Kosovës është ëndrra jonë. Prizreni është shtyllë e madhe e ringritjes sonë. Pa Prizren nuk ka LDK. Pa LDK nuk ka as Prizren.Mbani mend 3 numra të fitores, 124’’, ka thënë Abdixhiku.