Kryetari i Lidhjes Demokratike të Kosovës (LDK), Lumir Abdixhiku, ka reaguar pas publikimit të rezultateve preliminare të zgjedhjeve, ku deri tani LDK renditet e treta me 17.57% të votave, shkruan Insajderi

Abdixhiku falënderoi të gjithë votuesit, qytetarët dhe veprimtarët e partisë për angazhimin dhe mbështetjen e treguar gjatë fushatës zgjedhore.

Ai shprehu krenari për punën dhe rrugëtimin e bërë deri tani, duke thënë se LDK ka punuar me vullnet dhe emocion të madh për ta përfaqësuar qytetarin dhe Republikën e Kosovës.

Megjithatë, ai e pranoi se rritja e partisë nuk është e mjaftueshme për të sjellë ndryshime të menjëhershme në nivelin vendi.

“Rritja jonë i jep mundësi e qetësi organizimit më të mirë të brendshëm partiak – dhe për këtë do të qëndroj gjithmonë krenar; por kjo rritje është e pamjaftueshme për ndryshimin e Republikës në këtë fazë – dhe për këtë ndjejë keqardhje”, shkroi ai në Facebook.

Abdixhiku shtoi se, megjithë sfidat, do të vazhdojnë me numërimin e votave të mbetura, duke u shprehur se “pavarësisht të gjithave, Do të ketë dritë!”.

“Në këtë fazë, vazhdojmë me numërimin e votave të mbetura; sidomos ato në mërgatë. Pas numërimit përfundimtar, LDK do të ofrojë qëndrimet e veta politike”, u shpreh ai.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!